晚上有客戶通知我於淘宝網上發現我的柯柏文(擎天柱)紙模型在出售, 我即時開來睇睇, 嘩!!! 真係可恥 !!!!

佢完全copy我在yahoo 拍賣中的文字和圖片, 就連”此品属自家研发, 只此一家”都copy埋, 離x晒譜,又說”本店所售买货品保证原装正货,非翻版或不齐件货,买家可放心购入!!(有假包退全部款额)”等等, ….. 那莫非我超創作室的是翻版??? 真過份!!!

此可恥人係dandan8535, 不知所謂!!!

 

本人嚴正聲明從未於淘宝網拍賣過任何紙模型, 如因購自該網而發生的任何問題與”超創作室”絕無關係.

 

ps 因本人對自家紙模型出品要求較高,絕不希望被翻版質素影響我的誠信.


Category: 特別事項

About the Author


17 Responses to 實在可恥 !!!!

  1. LRB 說:

    真係好無良喎, 佢的人格只係值果少少錢,真可悲, 幸好問題已解決, 唔好為呢d cheap友影響你創作的熱誠, 我支持你架~~~
    [版主回覆06/13/2011 23:48:00]好彩有人撐我, 放心, 我 的創作熱誠勁到 啪 啪聲!!!!

  2. Michael Chim 說:

    鬼叫香港冇版權咩.政府淨係識保護d地產商.唔識保護藝術家.
    [版主回覆06/08/2011 10:53:00]真係要自己自律架啦,佢無恥的話都無計啦

  3. 龍之子 說:

    近期忙d無上來,一上來就見都咁大鑊野!! 條友正PK, 我上來撐你的正貨,正貨!! 正貨!! 好在delete左,大家都幫手留意下啦。
    [版主回覆05/17/2011 12:38:00]都幾大鑊架, 幸好該網的拍賣已經消失左,又好在咁多blog友幫忙,要多謝大家啦,如再有發現要通知我呀 ! 

  4. 小白 說:

    一輪唔入黎, 一回來就見到 d 咁既野, 真係令人氣墳 識貨既人就知只有呢度才是正貨… 等我都去踩下場先… 激氣~~ 支持你架!!!
    [版主回覆05/14/2011 21:44:00]哈哈, 正貨當然是最好架啦啦隊  好多謝你撐我.  當初都好激氣架, 幸好該網的拍賣已經消失了

  5. cheng 說:

    人在做,天在看. 如果 dandan833 你看緊, 希望你會醒覺, 要回頭是岸,不是說笑, 世上真的有報應, 如果執迷, 你會後海莫及, 我替dandan833你難過, 自己盡咗力做唔到的並不是罪, 但搶人野仲話係自己做的就真係無恥, 你看看, 原作者得到人家讚償,支持, 這些你是得不到的, 如果你不改, 你永遠會是一位失敗者! 為咗錢就不顧別人感受? 傷害別人你會開心?
    幫主, 我永遠支持你
    [版主回覆05/12/2011 10:40:00]大鳥兄,你真是說中了我的心意了,希望佢可以做回一個正常人啦,唔好再做小偷了,幸好該網的拍賣已經消失了。多謝大鳥兄的 永遠 支 持!!!

  6. 說:

    網上真好多賤人,最慘係見到自己的心血被人搶去作商業用途,嗰種無奈同激氣真係非筆墨所能型容,而且更是發生在祖國,更難追究。 幸好見到樓下紙模宅男兄已為你解決(又一例証我見到嘅網友都係好人),希望你開心返
    [版主回覆05/11/2011 14:29:00]係架,自己不努力又點可以搶人家的心血去賣錢?!D人真係無良知,而我經常收到一個email,問我可唔可以同佢交換紙模型,但佢果D是於網上免費下載回來的,我只是對他說 “你用10秒免費下載回來的東西而想換我用了一兩個月既努力的紙模型?!如果D紙模型是你親自設計的話,我一定會同你交換….”

  7. oiman 說:

    唯有自已小心一下
    [版主回覆05/11/2011 10:41:00]好難小心,如果唔係有人睇到,我都唔會去淘宝

  8. Kitsir 說:

    真不幸今次輪到你!相片落水印吧~
    [版主回覆05/11/2011 10:44:00]我張張相到有大大個logo架,昨天呢友個拍賣被淘宝delete左了。

  9. Ho 說:

    很好,今早上淘寶已睇唔到啲污槽野,安樂哂~~
    [版主回覆05/10/2011 10:12:00]係呀係呀, 好在有你們幫忙, 唔該晒你呀!!!

  10. GARY 說:

    拍賣成交過,有記錄的~
    [版主回覆05/09/2011 23:21:00]又係喎

  11. GARY 說:

    可以CHECK 到你同我交收過嗎~~
    [版主回覆05/09/2011 23:21:00]又係喎

  12. chun wai 說:

    嘩,d人咁無恥既,咁同偷有咩分別 試下 舉報佢啦.e d人唔 舉報唔得
    [版主回覆05/09/2011 22:49:00]e d 賤人 一定要舉報, 而最大問題是驚有人買了劣質紙模型而當成是我的出品, 那"超創作室"的印像就會被嚴重影響了.

  13. 一年戰爭高達迷 說:

    偷了人家的成果,賣o左都已經衰,仲要話係自己o既研發,有無道理可言,點o黎得咁賤 ………..
    [版主回覆05/09/2011 22:43:00]就係佢話 自己研發我先咁火滖, 那有人咁無恥拿人家的發明當自己架, "它"的腦袋載的是什麼呀?? 難怪中國沒有出色的品牌了…..

  14. GARY 說:

    之前有條友,問我拎你隻 柯柏文 SCAN 比佢,同佢交換紙模型,我當然冇理佢啦,唔知會唔會同一個人呢?
    [版主回覆05/09/2011 22:36:00]嘩!! 佢地咁神通知道你買左而找上門, 唔係咁痴線呀!!!

  15. 遊皇 說:

    有無攪錯呀, 咁都得? 我都開個戶口去插死去先, 這種人太賎格了, 還厚臉皮說是自己研發, 我頂!!!
    [版主回覆05/09/2011 10:37:00]真要多謝你們,我又試下開個 戶口 舉報佢。這人太過份了。

  16. Ho 說:

    幫主~我已經立即去開了户,寫了篇又長又臭的舉報文了,淘宝說是會三天內處理,先熄怒吧!!
    [版主回覆05/09/2011 10:35:00]真要多謝你,我又試下開個 戶口 舉報佢。

  17. Ho 說:

    可惡!!有沒有人去"起底"哦 PS:為表支持幫主,這幾天想找你要個大武士~
    [版主回覆05/09/2011 10:34:00]ok, 你方便時隨時call我啦

發表迴響

你的電子郵件位址並不會被公開。 必要欄位標記為 *